استرداد الضريبة عند شراء الموبايلات من السعودية خطوة بخطوة للمسافرين
الكثير من المغتربين والزوار في السعودية بيسألوا: هل ممكن أسترد قيمة الضريبة المضافة (VAT) لو اشتريت آيفون أو أي جهاز من السعودية؟
الإجابة: نعم، لكن بشروط وخطوات محددة لازم تتبعها بدقة عشان تضمن استرداد الفلوس سواء كاش أو على الفيزا. في المقال ده هنشرح الطريقة الكاملة، وأهمية الاستفادة من النظام ده للمقيمين والمغتربين، وكمان أهم المتاجر المشتركة في نظام Global Blue Tax Free. المقال ده بيشرح ازاي تسترد الضريبة عند شراء هواتف او اجهزة غير استهلاكية في السعودية وليس له علاقة عن بضريبة الهواتف في مصر .
ما هو نظام استرداد الضريبة المضافة في السعودية؟
هو نظام بيسمح للزائرين غير المقيمين والمغتربين إنهم يستردوا نسبة الضريبة (15%) اللي بيدفعوها على مشتريات معينة زي:
- الموبايلات (آيفون / سامسونج).
- اللابتوبات.
- الأجهزة الإلكترونية.
- الملابس.
- العطور.
لكن بشرط: إنك تشتري المنتج من متجر مشترك في نظام الـ Tax Free زي جرير، إكسترا، أو Red Sea وغيرهم.
خطوات استرداد الضريبة عند شراء موبايل من السعودية:
اختيار المتجر المناسب:
- اشتري من مكان مشترك في نظام Global Blue (زي جرير، إكسترا).
- تقدر تتأكد من المتاجر المشاركة من موقع Global Blue:
طلب تسجيل الفاتورة:
- لازم تقول للبائع يسجلك العملية على تطبيق Global Blue.
- هيديك فاتورة ضريبية توضح المبلغ اللي هيترجعلك.
- لازم المنتج يفضل متبرشم ومقفول زي ما هو.
- لو فتحت العلبة هتخسر حقك في استرداد الضريبة.
لازم تسافر من واحد من المطارات اللي فيها مكتب استرداد الضريبة لازم في حالة العودة الي بلدك اختيار مطار من المطارات المذكورة وذلك لانها متوفر لديها إماكنية استرداد الضريبة وهما :
- مطارجدة
- مطار الرياض
- مطار الدمام
إجراءات الاسترداد:
- تروح مكتب الجمارك وتقدم: الفاتورة + الباسبور + الجهاز.
- الموظف هيعمل سكان للفاتورة ويتأكد من تسجيلها.
- تختار طريقة الاسترداد:
- Visa: بيرجعلك المبلغ على البطاقة مباشرة.
- كاش: بعد المغادرة من الجوازات تروح مكتب صرافة شارهان في السوق الحرة وتستلم فلوسك.
شروط استرداد الضريبة عند شراء الموبايلات من السعودية مهمة لازم تعرفها:
- المشتريات لازم تكون خلال آخر 90 يوم من تاريخ السفر.
- المشتري لازم يكون غير مقيم أو غير مواطن سعودي (يعني مسافر بتأشيرة زيارة، عمرة، سياحة، عمل مؤقت...).
- المنتجات لازم تكون غير مستهلكة (يعني أجهزة، عطور مقفولة، ملابس مش لابستها...).
- الإكسسوارات زي الجراب أو الاسكرين برضه ينفع تسترد ضريبتها.
أهمية استرداد الضريبة للمغتربين والزوار:
- بتوفر نسبة كبيرة (15%) من سعر المنتجات.
- فرصة ممتازة للي عايز يشتري أجهزة أصلية بسعر أرخص من السوق المحلي.
- النظام قانوني ورسمي، وبالتالي مفيهوش أي مخاطرة.
- بيخلي تجربة التسوق في السعودية مربحة أكتر للزوار والمغتربين.
مثال عملي لاسترداد الضريبة عند شراء موبايل من السعودية
🔹 عند استرداد الضريبة، هيتخصم عمولة بسيطة (من 5% لـ 10% حسب طريقة الاسترداد)، فممكن تستلم مثلًا:
استرداد الضريبة المضافة في السعودية فرصة حقيقية لأي مسافر أو مغترب يخطط يشتري أجهزة زي الآيفون أو اللابتوب. الشرط الأساسي إنك تلتزم بالخطوات وتشتري من متجر مشترك في نظام Global Blue، وتكون نازل من مطار جدة أو الرياض أو الدمام.
بكده تقدر توفر مبلغ محترم، خصوصًا على الأجهزة الغالية زي الموبايلات.
